طبعا الناس عارفه إن طالما اللحمة عليها علامات حمراء تبقى كويسة وخارجة من المجزر 👌🏻
بس ماتعرفش إن العلامات دي أشكالها مختلفة وكل شكل بيحدد نوع وعمر ودرجة جودة اللحمة كمان 🤔
****************************
السؤال اللي دايما بيتكرر مع حضراتكم هو
"عايزين نعرف شكل أختام اللحوم ونفهمها ؟"
والنهاردة هنتعرف على كل شكل لختم المجزر وإيه دلالته على اللحمة
وإزاي أقدر أحدد هل أشتريها ولا لأ
الختم يحتوي على بيانات منها
👈🏻تاريخ الذبح ويقصد بيها يوم الذبح بمعنى السبت هتلاقي رقم (١) والأحد (٢) لحد الجمعة رقم (٧) وده هيخليك لما تشتري لحمة يوم الخميس مثلًا يبقى المفروض تلاقي على الختم رقم (٦) لكن غير كده يبقى مش دبح اليوم
👈🏻العلامة السرية
👈🏻والرقم الكودي للمجزر
👈🏻ونوع الذبيحة ودي هشرحها بالتفصيل 👇🏻
الاختام تحمل اول حرفين من نوع الدبيحة:
بق 👈🏻 تعني بقري
جا 👈🏻 تعني جاموسي
جم 👈🏻 تعني جملي
ضا 👈🏻 تعني ضاني
ما 👈🏻 تعني ماعز وهكذا
* شكل الاختام :
1_ الختم الدائري يستخدم للحوم صغيرة السن(تحت ٥ سنين)
ودي الأعلى جودة
2_ الختم المربع يستخدم للحوم كبيرة السن (فوق ٥ سنين )
ودي أقل جودة من الصغيرة في السن
3_ الماعز يختم دائما بالختم المربع
4_ لحوم العوارض وبتقال عليها طلبات كمان و أختامها كما هي ثمانية الأضلاع حمراء والعوارض هي اي حيوان حدث له حادث طارئ او شارف على الموت دون ان يكون السبب مرضي
ودي بتتباع على انها لحوم بسعر أقل وقليل اللي بيقول للناس كده وكمان بالجنيه للاسف يختمها ختم سليم وحضرة المستهلك ولا يعرف حاجة
5-الختم البنفسجي والأخضر والأزرق للحوم المستوردة اللي بتدبح هنا (السوداني مثلاً) لان البرازيلي والكولمبي والفنزويلي والاوكراني كل ده للاسف بيتختم احمر اعتمادا علي أن بتدخل سلالات اوزان خفيفه ويتم تربيتها في مصر فمع تغيير المراعي بيعتبروه بلدي
خلو بالكم أن استحالة أن العجل كله مفيهوش ختم واحد علي الاقل من ضمن الأختام اللي عليه مش واضح لقيت لون احمر بس شك أن فيه حاجة غلط وحقك تشك في كل اللحم اللي في المحل
هتسألني ليه طيب الجزار أصلًا بيدبح بره المجزر
هقولك علشان يهرب من الرقابة الصحية اللي بيقوم بيها طبيب
ليست هناك تعليقات:
إرسال تعليق