الحب الغير مشروط فضيلة رائعة لكن لمين الحب الغير مشروط ؟
الحب الغير المشروط هو الحب والعطاء الإنساني لأشخاص تحتاج إلى المساعدة زي عمل الخير والمساعدات والرحمة بالمخلوقات الضعيفةوالصدقات و مواقفك مع الضعفاء لانك هنا مش مستني منهم مقابل ،
لكن في العلاقات لا يجب ابدا ان يكون هناك حب غير مشروط هنا دي جملة مضلله للأسف منتشرة بشدة وهي شيء غير حقيقي بالمرة لان كل العلاقات قائمة على المنافع المتبادلة,
ولكل انسان سعة وطاقة الحب والاحترام والتقدير والعطاء ان لم يكن متبادل في العلاقات فهي علاقات سامة قولا واحدا ،
والطرف المخطيء فيها هو الطرف المتهاون المتنازل عن حقوقه ولازم هيجي يوم يستنزف ويفقد القدرة على العطاء و مش هيفتكر ولا هيشوف ساعتها غير تنازلاته ال هيسميها تضحيات و شتان بين معنى التضحية و معنى التنازل،
وللأسف هيشوف نفسه ضحية فضيلته وهي الحقيقة ليست فضيلة بل ضعف واخفاق و تهاون في حق نفسه وللأسف ناس كتير أو كل الناس ال من النوع دا كل علاقاتها فاشلة لأنها مش بتتعلم و مش بتفهم انها مسئولة عن أخطائها في حق نفسها وبتعيش دور الضحية ال بيعميها عن أي عملية إصلاح في نفسها وعشان كدا الناس دي تجاربهم بتتكرر كتير جدا و بيخرجوا من كل علاقة مستنزفين وضايعين وعايشين دور المظلومية ،
قبل ما تسأل نفسك ليه فلان ظلمك
اسأل نفسك ليه سمحت له انت انه يظلمك ؟!
مفيش في العلاقات الشخصية حاجة اسمها الحب الغير مشروط نهائي !! دي جملة مخدرة ومضللة
#جيلان_حسن
ليست هناك تعليقات:
إرسال تعليق