⛔ الأواني الكانوبية ودورها في التحنيط عند المصريين القدماء
لسه سر التحنيط عند المصريين القدماء بيحير العالم كله! كل خطوة في عملية التحنيط كانت محسوبة بدقة، مش مجرد صدفة. وده اللي خلى شغلهم قمة في الإبداع والرقي. من الحاجات اللي بنلاقيها في مقابرهم أدوات وأواني ليها رموز ودلالات خاصة، ومن أهمها "الأواني الكانوبية".
يعني إيه أواني كانوبية وليه اسمها كده؟
الأواني دي استخدمها المصري القديم أثناء التحنيط عشان يحفظ الأحشاء (زي المعدة، الأمعاء، الرئتين، والكبد) لتحضير المتوفى للعالم الآخر. كانت بتتصنع من الحجر الجيري أو الفخار، ولكل عضو إناء خاص بيه، لكن القلب مكانش من ضمنهم! ليه؟ لأنهم كانوا بيؤمنوا إن القلب هو مقر الروح، ولازم يفضل في الجسد.
الأواني وأشكالها:
كل إناء كان ليه شكل معين واسم خاص، مرتبط بأبناء حورس الأربعة اللي كانوا بيحرسوا الأعضاء المحفوظة:
⬅ "حابي" (بشكل قرد البابون): مسؤول عن حفظ الرئة.
⬅ "إمستي" (بشكل آدمي): مسؤول عن حفظ الكبد.
⬅ "دوا موتف" (بشكل ابن آوى): مسؤول عن حفظ المعدة.
⬅ "قبح سنواف" (بشكل الصقر): مسؤول عن حفظ الأمعاء.
دور الأواني في الحياة الأبدية:
كان المصريون القدماء بيعتقدوا إن الأواني دي مش مجرد حاويات، لكنها رمز لحماية الأعضاء من أبناء حورس، عشان يرجع المتوفى للحياة الأبدية في العالم الآخر.
#أسرار_التحنيط #الأواني_الكانوبية #عظمة_المصريين_القدماء #الحضارة_المصرية
#تاريخ
ليست هناك تعليقات:
إرسال تعليق