طبعا كلنا عارفين إن الإعلام المصري بيحب يهتم بالناس العجيبة زي إختنا "مني البرنس" وكذلك مع الإعلام المصري الصحافة
إختنا طلعت في الساحة الإعلامية بعد ما تم شن الهجوم عليها وإن إزاي دكتورة جامعية تطلع ترقص علي الملأ وقدام الناس وتنزل فيديو ليها وأكتر من فيديو ليها
والمشكلة إن إختنا اصبحت موضع إهتمام والناس تتكلم عليها وده غير إعلامنا الجميل وغير الصحافة
طيب ايه الحل عشان نخلي الناس دي تختفي تماما ؟!
ماحدش سأل نفسه السؤال ده ،ماحدش فكر فيه ابدا
بإختصار كده الإجابة هتكون "التجاهل"
اه لما تتجاهل العالم اللي زي دي ببساطة هيختفوا هيتلاشوا تماما
أثارني الإندهاش إن الدكتورة"مني البرنس"اللي هي المفروض تكون قدوة ومثل يقتدي به الأجيال إنها مش ندمانة علي تصرفها طيب هي حرة طالما فيما لم تضر
لكن لما يوصل الأمر إنها تقول في تصريح ليها إني ناوية أنزل في ترشيح إنتخابات رئاسة الجمهورية تسمحيلي أقولك دي مهزلة وإهانة لمنصب رئاسة الجمهورية
لا والعجيب كمان إنها بتقول هدلع الشعب والله الشعب مش محتاج يتدلع هو محتاج مساواة وعدالة إجتماعية مش محتاج دلع سيادتك ببساطة كده
يا شعب يا مصري أحب أقولكم التجاهل ثم التجاهل ثم التجاهل من الأمثلة السيئة اللي إتفرضت علينا
وده غير بقا المهازل اللي بنسمعها أخ نائب محترم يقول لازم نشيل من البطاقة خانة الدين واللي تقول تقنين قانون الخطبة وهكذا
تجاهلوهم يا مصريين ماتاخدوش علي كلامهم ببساطة الناس دي بتبحث عن الشهرة
ليست هناك تعليقات:
إرسال تعليق